Home Ciyaaraha Ronaldo, Mbappe, Kane, Sual & Saxiixyada La Dhamaystiri Karo Maalmaha Ka Dhiman...

Ronaldo, Mbappe, Kane, Sual & Saxiixyada La Dhamaystiri Karo Maalmaha Ka Dhiman Xidhitaanka Suuqa Kala Iibsiga. – Banaadirsom

Suuqa kala iibsiga ayaa galay maalmihiisii ugu dambeeyay kooxaha ayaana lala  xidhiidhinayaa xiddigo ay donayaan in ay ku xoojiyaan kooxdooda.

Suuqa kala iibsiga ayaa sida caadada ah maalmaha ugu dambeeya noqda mid mashquul ah iyada oo ay ka soo baxaan saxiixyo lama filaan ah waliba kooxo badan si xawli ah u galaan baankana u jabiyaan saxiixyada ay doonayaan.

Hadaba warbixintan waxa aan ku soo bandhigi doonaa saxiixyada laga yaabaa in la dhamaystiro 6-da maalin ee ka hadhsan xidhitaanka suuqa kala iibsiga xagaaga.

Jules Kounde  ➜ Chelsea

Kooxda chelsea ayaa dhankooda ku dhaw saxiixa xiddiga daafaca uga ciyaara Sevilla ee Kounde kadib markii uu xiddigu noqday bartilmaameedka 1-aad ee tababare Thomas Tuchel si uu ugu xoojiyo daafaciisa, Kounde ayaa haatanba heshiiska shaqsiga ah la gaadhay kooxda chelsea.

Kylain Mbapp ➜ Real Madrid:

Kooxda Real Madrid ayaan wali ka quusan saxiixa xiddiga reer France ee Kylian Mbappe waxana ay xalay Dalab Rasmi ah oo dhan 160 milyan oo euro miiska u saareen kooxda PSG si ay u helaan saxiixa.

Si kasta ha ahaatee PSG ayaa isla markiiba diiday dalabkaas laakiin Los Blancos ayaa la filayaa in ay dalab cusub kula soo laabato kooxda PSG maalmaha soo socda.

Harry Kane  Manchester City

Kabtanka England ayaa dhankiisa doonaya in uu isaga tago kooxda Tottenham kadib xilli ciyaareed kale oo koob la’aan ah waxana lala xidhiidhinayaa Man City iyada oo Citizen haatanba dalab 100 milyan ah ka gudbisay laakiin laga diiday dalabkaas.

Laakiin Man City ayaa la sheegayaa in ay diyaar u tahay in ay Tottenham u soo bandhigto xiddigaha Sterling, Jesus, Silva iyo Mahrez hadii ay u fududaynayso saxiixiisa.

Cristiano Ronaldo ➜ PSG

Kooxda PSG ayaa la filayaa in ay dhankeeda u dhaqaaqo saxixia xiddiga Cristiano Ronaldo hadii ay Mbappe u waydo kooxda Real Madrid

Cristiano ayaa haatanba doonaya in uu isaga tago kooxda Juventus xilli uu hal sano ka dhiman yahay heshiiskiisa waxana aan arki doonaa messi iyo Ronaldo oo iska garab ciyaaraya markii ugu horaysay taariikhda.

Saul Niguez ➜ Chelsea/Man United

Waxa ay aad ugu muuqataa in uu Saul Niguez isaga tagi doono Atletico Madrid kadib muddo badan oo la hadal hayay mustaqbalkiisa.

Xiddiga khadka dhexe ayaa haatan si weyn loola xidhiidhinaya kooxaha Man United iyo chelsea iyada oo Blues haatanba wadahadalo la qaadatay kooxdiisa si ay qaab amaah ah ugu hesho xiddiga khadka dhexe.

Sii Akhriso: Ma Doonaysaa In Aad Guursatid Gabadh Qurux Badan, Hadaba Ninow Haatan Ka Laabo Go’aankaas Hadii Aad Noloshaada Doonaysid, Ma Ahan Mid U Fiican Noloshaada

Source link