Home Wararka Maanta Mid kamid ah madaxda maamul Goboleedyada oo Muqdisho soo gaaray iyo madaxweyne...

Mid kamid ah madaxda maamul Goboleedyada oo Muqdisho soo gaaray iyo madaxweyne horay ugu sugnaa

Madaxweynaha Maamul goboleedka Koonfur-galbeed Cabdicasiis Maxamed Xasan “lafta-green” ayaa goor dhoweyd gaaray magaalada Muqdisho caasimada dalka Soomaaliya.

Safarka Madaxweynaha ayaa la xiriira ka qeybgalka Shirka Madasha wadashatiga Qaran oo la qorsheeyay inuu ka furmo maanta magaalada Muqdisho.

Hase yeeshee shirkan ayaa u muuqda uu dib dhac ku yimid maadaama magaalada aysan soo gaarin weli inta badan madaxda maamul goboleedyada iyo weliba Ra’iisul Wasaare Maxamed Xuseen Rooble oo safar dalka dibadiisa ugu maqan.

Madaxweyne Laftagareen ayaa waxaa garoonka diyaaradaha ku soo dhaweeyay mas’uuliyiin ka tirsan dowlada federalka iyo Maamul Goboleedka Koofurgalbeed.

Dhanka kale waxaa magaalada Muqdisho ku suga madaxweynaha Hirshabelle Cali Guudlaawe kaa oo wali laga sugayo inuu soo magacaabo liiska musharaxiinta Aqalka Sare.

Waxaa dhanka kale berri la sugayaa madaxweynaha Galmudug iyo madaxda maamul Goboleedyada Puntland iyo Jubbaland.

 

Source link