Home Wararka Maanta Axmed Madoobe oo ka baaqday shirkii maanta kismaayo & Xog la ogaaday

Axmed Madoobe oo ka baaqday shirkii maanta kismaayo & Xog la ogaaday

Madaxweyne kuxigeenka koobaad Maamulka Jubbaland Maxamuud Sayid Adan, ayaa maanta shir gudoomiyay shirka todobadlaha ah ee golaha xukuumada.

Ugu horayn Shirka ayaa lagaga hadlay arimaha amaanka iyo xaaladahii u danbeeyay ee deegaanada Jubaland iyadoo Wasaarada amniga laga dhagaystay faah faahin ku saabsan qaraxii dhawaan lala beegsaday baska Banaadirsom kubada cagta JCCI halkaas oo khasaare uu ka dhashay, waxaana Wasaarada amniga iyo hay’adaha amaanku ay sheegeen in wali baaritaan uu socda isla markana ay jiraan dad loo qabqabtay falkaas.

Wasaarada Maaliyada ayaa soo gudbisay xeerka isbadalka sharciga qoondad Wasaarada maaliyada taas oo golahu ay falanqayn kadib dib ugu soo celin doonan fadhiyada danbe.

Dhinaca kale Wasaarada dhalinyarada iyo Ciyaaraha ayaa golaha la wadaagtay sidii gurmadka ay ugu samaysay ciyaartooydii waxyeeladu kasoo gaartay mashaqadii ay ku waxyeeloobeen qaar kamid ah ciyaartooyda Banaadirsom JCCI iyadoo wasaaradu ay sheegtay in sidoo la daah furay tartanka horyaalka kooxaha kubada cagta Jubaland oo si habsi leh u socda.

Wasaarada waxbarashadana waxaa ay soo gudbisay sida ay qeyb uga tahay heshiiska hormarinta waxbarashada ee Soomaaliya iyo Maraykanka kaas oo dib loogu habaynayo adeegyada waxbarashada Soomaaliya isla markana diirada la saarayo dadka baahiyaha gaarka ah qaba iyo kuwa kasoo laabanaya xeryaha qoxootiga.

Madaxweynaha Jubbaland Axmed Madoobe ayaa arimo jiro awgeed waxa uu kaga baaqday shirkaasi inuu maanta shir gudoomiyo isagoo Kuxigeenkiisa amray inuu kulankaasi shir gudoomiyo.

 

Source link